Historiku i shkollës

Shkolla e parë është hapur në vitin 1945 që e ka pasur emrin “Bajram Curri”. Ndër mësuesit e parë nga Dobridolli përmenden me pietete si; Muharrem Zeqiri, Muharrem Shabani, Nasir Qazimi, Nexhat Ismaili, Selim Vehapi, Femi Qazimi, Xhevat Halili, Ismailqemal Ismaili, Zudi Haliti, Imer Fejzuli, Naibe Doko-Ibrahimi, Safet Ibrahimi, Jusuf Milaimi, Asllan Ismaili, Femi Qazimi etj. Në vitin 1963 shkolla kishte  8 – paralele e cila mbante emrin ,,Bajram Curri’’ dhe ishte shkollë periferike  e shkollës qendrore  ,,Cede Filipovski ‘’ Vrapçisht me: Stave  Mateski – zv. Drejtor, Muharem Zeqiri – përgjegjës i shkollës, Shukri Idrizi – mësues, Xhelal Ademi – mësues, Femi Qazimi  – mësues.

Grupi i mësuesve te godina e shkollës 1963 / 1964,

Nxënësit që mbaronin klasën e IV  në shkollën e Dobërdollit pastaj klasën e V –të e vazhdonin në  shkollën qendrore  te Vrapçishtit . Gjer në vitin 1965/ 66. Ku nxënësit  vullnetarisht  filluan klasat e larta prej V-VIII të ndiqnin në shkollën fillore ,,Vllezërit Frashëri’’ në  f. Negotinë. Në fillim  të punës të tetëvjeçares në Negotinë  numri i nxënësve që nuk ndjekshin mësimin  u zvogëlu  shumë. Problemi ishte  mos ndjekja  e mësimit nga  ana e vajzave, jo se ato nuk dëshironin por botëkuptimet e prindërve të tyre e bënin të veten. Për zhdukjen e kësaj dukurie aktivitet të madh  luajtën  udhëheqësit  e Bashkësisë Lokale te fshatrave  Negotinë,  Dobërdoll, Senakos: Hajredin Neziri – Kryetar  i  Bashkësisë Lokale Negotinë, Gafur Isaku – Kryetar  i  Bashkësisë Lokale  Dobërdoll, Abdulla Abdullai – drejtor i shtëpisë së kulturës në Negotinë, Kurtali Adili – drejtor i shkollës në Negotinë si dhe arsimtarët e shkollës qendrore në Negotinë. Fjala e tyre dhe biseda rreth shkollimit  ndikoi dhe filloi te rritet numri i nxënësve.

Arsimtarët e parë të cilët mbaruan shkollën normale prej fsh. Dobërdoll janë Nasir Qazimi, Nexhat Ismaili dhe Femi Qazimi ,pas tyre  mbaruan Xhevat Haliti,  Safet Imrahimi , Isniqemal Ismaili, Zudi Haliti, Jusuf Milaimi, Selim Vehapi, Haki Fejzullahu, Imer Fejzullahu , Setki Iseini. I gjithë ky potencial arsimor punonte në shkollën e Dobërdollit dhe në  atë qendrore ne Negotinë.

Nuk mungoi  aktiviteti  i bashkësisë lokale të  f. Dobërdoll me në krye  Gafur Isakun kështu që në vitin  shkollor  1974/ 75 ua rregullimi i disa klasëve  dhe nxënësit e vazhduan mësimin ne f. Dobërdoll prej klasës së parë  deri te tetën (I-VIII)  nga dy paralele, gjithsej 16 paralele.

GURTHEMELI I SHKOLLËS SË RE

Nevoja e fshatit për ndërtimin e një godine të re shkollore ishte e madhe nxënësit mësonin  në lokale jo të mira  , shfrytëzonin  lokalet e ish kooperativës bujqësore ,,Vraca’’ të fshatit. Bashkësia lokale e Dobërdollit në programin e vet për aksion të ardhshëm kishte  programin për ndërtimin e godinës së re shkollore. Kishte përgatitur vendin si dhe burimet e financimit  të ndërtimit të godinës shkollore. E  gjithë kjo përgatitje u finalizua në fund të vitit 1976 ku ishin te njoftuar të gjithë banorët e fshatit. Aksioni u pranua me  vullnet të madh nga banorët e fshatit si dhe u bë kërkesa në në nivel komunal. Kuvendi komunal pranoi dhe  dha vendim që më 18.nëntor 1980 te fillohet ndërtimi i godinës së re shkollore. Marrja e lajmit për ndërtimin e godinës së re gëzoi te gjithë banorët e fshatit e sidomos trupin arsimor dhe nxënësit. Bashkësia Lokale në fillim të shtatorit të viti 1980 bëri  zgjedhjen e komisionit për ndërtim prej 9 – anëtarësh te këshillit: Gafur Isaku – kryetar, Femi Qazimi  – sekretar, Akif Beadini – arkëatar, Muharrem Ademi  – anëtar, Nasir Qazimi  – anëtar, Shaqir Hamiti – anëtar, Shaban Xheladini – anëtar, Bajram Emshiu– anëtar. Në bazë të projektit ndërtimi i godinës shkollore më  18 nëntor  1980 u hodh gurë themeli ku nxënësit dhe arsimtarët gëzimin e tyre e paraqiten me një program kulturo – artistik par ate pranishmëve. Ndërtimi i godinës së re filloi ngadalë te ndërtohet .

HAPJA SOLEMNE E GODINËS SHKOLLORE NË FSHATIN DOBËRDOLL
25.05.1986
PRITJA E MISAFIRËVE NË HAPJEN E GODINËS SË RE SHKOLLORE

Më 01.09.1986 mësimi filloi në lokalet e reja si në Dobërdoll ashtu edhe në Toplicë. Të cilat ishin shkolla periferike të shkollës qendrore të fshatit Negotinë. Në shkollën e Dobërdollit përgjegjës u emërua Safet Ibrahimi ,kurse në Toplicë  Sadri Bajrami të dy arsimtar me përvojë. Puna filloi te shkoi  mbarë si dhe numri I nxënësve të rritej. Për ndihmesën e madhe duhet të përmendet Bashkësia lokale me në krye kryetarin Ajet Kamberin si dhe arsimdashësin Sabit Jakupi, Islam Demiri  punuan në këtë aksion për ndërtimin e shkollës. Emri i shkollës ka qenë temë në vete ku si emer i parë ishte ,,Bajram Curri’’ si ,,Jeta e re’’ dhe pas disa diskutimeve   u zgjodh një fjalë me kuptim të gjerë ne  çdo lëmi e sidomos në arsim  ,,Jehona” ku drejtor u emrua Enver Bilalli.

MËSIMDHËNËSIT E CIKLIT TË LARTË VITI 1995
MËSIMDHËNËSIT E CIKLIT TË ULËT VITI 1995

  EMRI “SALI  LISI “  E ZËVENDËSON EMRIN “JEHONA “

Pas shumë përpjekjeve për ndërrimin e emrit të shkollës, në vitin 2005 u plotësua dëshira e kolektivit dhe banorëve të fshatit – Dobërdoll e cila  deri më tani mbante emrin “JEHONA”. Tani do të ketë emrin “SALI LISI” emrin e të parit të arsimuar, të kualifikuar për mësues në vitin 1942 në Prishtinë.

SALI LISI (1923 1969)